如沒有嚟過 Stevenston Fisherman’s Wharf 漁人碼頭,千萬不要話比人知你來過溫哥華,呢個漁人碼頭可以話係數一數二必去景點之一,無論你是想買新鮮海鮮、嘆杯咖啡、食Gelato 手造雪糕及欣賞風景外,當然仲有炸魚薯條 Fish & Chips 啦,全部你都可以響呢個地方搵到

Stevenston Fisherman’s Wharf 漁人碼頭位於Richmond 南面既Stevenston 區域,除了漁人碼頭外,附近還有Garry Point Park,遲些再介紹此地點,先講回入口在那? 事實上沒有所謂入口位,整條Bayview St都算是漁人碼頭的範圍,通常都會經Second Ave直入

泊車方面,當然通常最方便最近購物商場位置的,就是要比錢喔。如果不怕行多兩步,在附近的幾條街都有好多2小時或4小时免費泊車位,在星期六及日的時候會比較難搵位,事實上都不太遠,努力找找

講了咁耐,係時候進入漁人碼頭的購物中心入口的位置,將會看見有3-4間售賣紀念品的地方,始終是旅遊區域,明信片、T-Shirt、楓樹糖醬、楓糖Cookies(曲奇餅)及三文魚是指定售賣產品吧,經過每間店舖的明查暗訪,事實上食物等紀念品未必是最理想的購買地方,其他的超市可能更便宜一點,當然可以比較一下是否與出面的有分別,初步看是完全一樣,之不過T-shirt 是值得一看,有好多都是由美國印花,印花獨特,明顯與別不同,而價錢都是CAD$20左右

初步行完一陣街,都係時候醫下肚吧,來得漁人碼頭 Fish & Chips 是必試吧,在這個區域大大話話都有五六間是提供Fish & Chips 菜式的,價格有平有貴,亦有連鎖式的,之前Rocky Point 已試過沒有想像中好,今次介紹一間名為 Sockeye City Grill 的餐廳 (位於 : 108-3800 Bayview St, Richmond, BC V7E 6K7),當然餐廳裡係有好多唔同既海鮮菜式,但今次主打的是Fish & Chips 當然要整返件。

睇MENU之前,先決定好take away 定係 for here,如你想慳一點Tips而不用他們提供服務的話,建議你可以坐在餐廳提供給Takeaway客人的露天坐位,如天氣好的話,事實上比起餐廳內更好氣氛,有好多人以為Fish & Chips 只是一種魚拿來炸就這樣,事實不同魚質的確有不同的質感與味度,先參考一下Menu 吧

capture-20180731-221337.png

講炸魚薯條,大部份都是以COD為主,COD算是鱈魚的一種,肉質厚實,的確好適合作炸魚菜式,而Halibut 比目魚就更勝一籌,肉質更厚實,但又能保持幼嫩質感,雖然價格更貴,還是值得一試,這家全是即叫即整,大約等10-15分鐘就可以享用,價錢CAD$15-20左右

食飽飽之後係時候落去碼頭走一轉,感覺現在的碼頭比早幾年細了一點,碼頭唔太大,有幸的話,落去睇睇你有沒有這麼見到海豹仔,緊記小心小朋友坐得太近水邊,另外近距離同過百隻遊艇影相

到了重中之重,就係人人最愛既海鮮,在購買前要先查一下當天開賣海鮮時間,現在最啱食既當然係Spot Shrimp, 即係去日本食的牡丹蝦,又有人說是紅點蝦或斑點蝦,價錢未必比超市便宜,大約都要CAD$20 / LB,但新鮮是真的,而另一種美食就係海膽,但較難遇到他們開檔的時間,上一次有幸遇到,就用CAD$20 買了差不多5隻巨型海膽作刺身

買都買飽後,個個滿載而歸之時,係時到這間名為 Timothy’s Frozen Yogurt Ltd (3800 Bayview St, Richmond, BC V7E 5W3),提供由Yogurt 製成手造雪糕同埋Gelato,而佢個Waffle 底真係一絕,必試!!! (忘了影相)

當食材新鮮的時候,不用太花巧,海膽刺身,原汁原味,而Spot Shrimp 就只需要鹽水煮熟即可享受如此美點

 

Facebook Comments